‘मधेसी शक्तिहरुबीच सहकार्य हुनुपर्नेमा जोड’

काठमाडौं  मधेस मूलका नेताहरुले मधेसी राजनीतिक शक्तिहरु एक हुनुपर्नेमा जोड दिएका छन् । 

मंगलबार काठमाडौंमा मधेसी एकता समाजले आयोजना गरेको अन्तरक्रिया कार्यक्रममा मधेसी शक्तिमा सहकार्य आवश्यक रहेको औलाएका हुन् ।

 
कार्यक्रममा बोल्दै नेता राजेन्द्र महतोले सारा मधेसीको चाहाना आजको दिनमा मधेसी शक्तिकोबीचमा एकता नै रहेको बताए । 

उनले केही समय अगाडि सम्पन्न आइपीएलमा जनकपुर बोल्र्टसका खेलाडीहरुमाथि धोती शब्दको प्रयोगगरी अपमान गरिएको भन्दै आपत्ति समेत  जनाए । 

उनले भने,‘हाम्रो सारा मधेस आजको दिनमा मधेसी शक्तिकोबीचमा एकता चाहन्छ । किर्तिपुरको क्रिकेट मैदानमा धोती याद दिलाईदिए । सन्देश त पूरै देशमा गयो नि । के अपराध थियो र ती युवाहरुको काठमाडौंमा खेल्न आए जित हासिल गरे । मधेसी नौं जवान भएकै कारण उसको बेइजत गर्न के जरुरी थियो र ?’

त्यस्तै अर्का नेता हृदयेश त्रिपाठीले मधेसी नेताको गल्तीको कारणले नै पछाडी परेको बताए । 
उनले भने,‘हाम्रो नै केही मधेसी नेताको गल्तीको कारणले नै हामी पछाडी परेको हौं । यो अवस्था आएको हो । हामी बञ्चीत हुनु पुग्यौं ।’

अहिले सहि दिशा पहिल्याउन नसक्दा मधेस वास्तवमा नै गोलचक्करमा घुमिरहेको उनको भनाई छ ।